Уолаттар уонна кийииттэр: хоһооннор

"Уолаттар уонна кийииттэр" диэн бу романна автор Aҕa дойдуну көмүскүүр улуу сэрии саҕанааҕы уонна ол кэннинээҕи кэмнэри хабан, бэйэтин бииргэ үөскээбит көлүөнэтин олоҕуттан аттаран суруйар. Манна бааллар дьон туһугар дьолу оҥорсор үтүө санаалаах үлэһит доҕоттор, манна көстөллөр бэйэлэрин эрэ тустарыгар "туулаан аһыыр" муҥур кэскиллээх дьоннор. Геройдар өйдөрө-санаалара, быһыылара-тутуулара, майгылара-сигилилэрэ — араас ис-тас эйгэлэрэ кинилэр күннээҕи олохторун-дьаһахтарын, үлэлэрин-хамнастарын кытта ыкса сибээстээхтик кинигэ бүтүөр диэри сыыйа көрдөрүллэр. Поэт, олоххо көстөр ыарахаттары тумнубакка, айымньы геройдара үгүс күчүмэҕэйдэри көрсөллөрүн, ол күчүмэҕэйдэри туоруур иһин дьулуурдаахтык охсуһалларын итэҕэтиилээхтик ойуулуур