Муус устар 24 күнүгэр 15.00 чаастан Национальнай библиотека Историческай саалатыгар «Дабыыдаптар» төрүччү кинигэ сүрэхтэниитэ ыытыллыаҕа.
Тэрээһиҥҥэ сүрүн иһитиннэриини төрүччүнү үөрэтээччи, историк, архивист Александр Винокуров оҥоруоҕа.
Кинигэҕэ төрүт уус төрдүн үөрэтии түмүгэр научнай чинчийии отчуота уонна архыып чахчылара, араас кинигэлэртэн Дабыдах, Киспэҥ уонна Саалтааны уустарын туһунан үһүйээннэртэн быһа тардыылар, Ньукулай Кирииллэбис уонна Сөдүөрэ Ыстапаанабына Дабыыдаптар дьиэ кэргэннэрин ахтыылара киирдилэр.